[ad_1]
Jagoran Kwankwasiyya na jihar Jigawa, Shehu M. Bello (Shehun Garu) ya bayyana cewa membobin Kwankwasiyya dake fadin jihar Jigawa sun haura milyan daya. Kuma sun sha alwashin sanya kafar su a duk inda jagoran su Sanata Rabi’u Musa Kwankwaso ya sanya kafa a harkar siyasa.
Shehun Garu ya kara da cewa, yanzu haka membobin Kwankwasiyyan na jihar Jigawa sun soma karbar tikitin komawa jam’iyyar PDP bisa umarnin jagoransu na kasa baki daya, wato Sanata Kwankwaso.
Shehun Garu wanda ya samu lambar yabo a jihar Kano bisa jajircewarsa tare da gudummawarsa a tafiyar Kwankwasiyya, shi ma ya yanki katinsa na zama memban PDP, inda ya yi kira ga sauran mabiya Kwankwasiyya dake fadin kasar nan da su je su yi rikistar zama membobin PDP don jefa kuri’a ga Sanata Kwankwaso a yayin zaben shugaban kasa na 2019.
[ad_2]
