Shugaban jam’iyar PDP na Zamfara ya koma APC

Shugaban jam’iyar PDP na jihar Zamfara, Dr. Jamil  Jibo Magayaki ya koma jam’iyar APC.

Dr Jamil ya koma jam’iyyar APC ne bayan da gwamnan jihar, Dauda Lawal Dare ya sauya sheka daga jam’iyyar PDP ya zuwa APC.

A wata sanarwa da ya wallafa a shafukansa na soshiyal midiya tsohon shugaban na jam’iyar PDP ya bayyana cewa halin yanayin  siyasa da ake ciki a yanzu a jihar shi ne ya sa shi daukar matakin komawa APC.

Sanarwar ta ce ” Ni,  Dr   Jamil Jibo Magayaki shugaban jam’iyar PDP na jihar Zamfara ina sanar da komawa ta jam’iyar APC.”

” Na ɗauki matakin komawa APC bisa la’akari da yanayin siyasar da ake ciki yanzu a Zamfara dake buƙatar haɗa kai da bigiren  da ya fi dacewa da shawo kan ƙalubalen matsalar tsaro, ayyukan cigaba da kuma gwamnatin domin amfanin al’umma,” ya ce.