‘Sakin makashin ‘yar uwata ya rikita ni’- Serena Williams

Shaharrariyar ‘yar wasan kwallon tennis Serena Williams ta ce ta fuskanci rashin nasarar da ya fi ko wanne girma a tarihin buga wasanta, mintuna kadan bayan da ta samu labarin sako wanda ya kashe ‘yar uwarta daga gidan yari.

Johanna Konta ta doke Serena a zagayen farko na wasan da a ka yi a San Jose a watan Yuli.

An sako Robert Edward Maxfield ne bayan da a kai masa afuwa, bayan ya kwashe shekaru goma sha biyu a gidan yari bisa laifin harbe ‘yar-uwar Serena mai suna Yetunde Price.

Serena ta ce ba ta iya cire labarin sako Robert Edward Maxfield daga ranta ba a yayin wasan.

• Serena Williams: Na kusa mutuwa lokacin haihuwa
• Serena Williams ta haifi ‘ya mace