Asalin hoton, Getty Images
Romelu Lukaku shine wanda ya ci kwallo a karancin lokaci a Inter a dakika 60 a wasa 80 da ya yi mata
Chelsea ta sake daukar dan kwallon tawagar Belgium, Romelu Lukaku daga Inter Milan kan fam miliyan 97.5 a matakin wanda ta dauka mafi tsada a tarihi.
Mai shekara 28 ya sake komawa Stamford Bridge a karo na biyu kan yarjejeniyar kaka biyar, bayan da ya koma Everton daga Chelsea a 2014 kan fam miliyan 28.
Kadan kudin da aka sayo dan kwallon tawagar Belgium ya kai fam miliyan 100 da Manchester City ta dauki Jack Grealish daga Aston Villa.
Ba dan wasan da aka kashe kudi mai tsoka tsakanin kungiyoyi wajen sayen Lukaku da jumulla ya kai fam miliyan 290.
