Asalin hoton, Getty Images
Ranar Talata Real Madrid ta ja ragamar teburin rukuni na hudu a Champions League, bayan da ta doke Inter Milan da ci 2-0 a Santiago Bernabeu.
Karawar itace ta karshe a cikin rukuni da Real Madrid ta hada maki 15, ita kuwa Inter Milan tana da maki 10, dukkansu sun kai zagaye na biyu a wasannin bana.
Kawo yanzu Real Madrid ta ci wasa tara a jere kenan, rabon da ta yi rashin nasara tun 3 ga watan Oktoba da ta yi a hannun Espanyol da ci 2-1.
Real za ta buga wasan gaba a La Liga da Atletico Madrid ranar Lahadi, kuma idan ta yi nasara karo 10 a jere da za ta ci wasanni kenan a kakar bana.
Cikin karawa tara da ci a jere har da uku a gasar Zakarun Turai da ta doke Shakhtar Donetsk da Sheriff Tiraspol da kuma Inter Milan mai rike da gasar Serie A ta bara.
Haka kuma Real ta ci wasa shida a La Liga da hakan ya sa ta dare kan teburi da tazarar maki takwas tsakaninta da Sevilla ta biyu da tazarar maki tara tsakaninta da Real Betis da kuma tazarar maki 10 tsakaninta da Real Sociedad da kuma Atletico.
Kawo yanzu Real tana da sauran kwana biyar da za ta yi shirin fuskantar Atletico a karawar hamayya da za su yi ranar Lahadi a Santiago Bernabeu.
Real din ta yi wasa uku cikin kwana shida, inda Karim Benzema ya ji rauni a wasan da kungiyar ta kara da Real Sociedad a gasar La Liga.
Wasanni tara da Real Madrid ta yi a jere tana yin nasara:
La Liga Asabar 30 ga watan Oktoba
Champions League Laraba 3 ga watan Nuwamba
- Real Madrid 2 – 1 Shakhtar
La Liga Asabar 6 ga watan Nuwamba
- Real Madrid 2 – 1 Real Vallecano
La Liga Lahadi 21 ga watan Nuwamba
- Granada 1 – 4 Real Madrid
Champions League Laraba 24 ga watan Nuwamba
- FC Sheriff 0 – 3 Real Madrid
La Liga Lahadi 28 ga watan Nuwamba
- Real Madrid 2 – 1 Sevilla
La Liga Laraba 1 ga watan Disamba
- Real Madrid 1 – 0 Athletico Bilbao
La Liga Asabar 4 ga watan Disamba
- Real Sociedad 0 – 2 Real Madrid
Champions League Talata 7 ga watan Disamba
- Real Madrid 2 – 0Inter Milan
