Hukumar Yaki da Sha Da Fataucin Miyagun Kwayoyi ta Kasa (NDLEA) ta gargadi al’umma da su kara sanya ido, bayan jami’anta sun gano boyayyun kwayoyi a cikin kayan wasanranar yara da kuma garri.
Hakan na kunshe cikin wata sanarwa da Daraktan Yada Labarai da Wayar da Kai na hukumar, Femi Babafemi, ya wallafa a shafinsa na X Lahadi, inda ya ce sabbin dabarun da masu safarar kwayoyi ke amfani da su na kara zama abin damuwa.
Babafemi ya bayyana cewa jami’an hukumar sun kuma gano hodar iblis kirar methamphetamine da aka boye a cikin kwalaben yogurt na Hollandia da kuma na’urorin MP3 a wasu samame na baya-bayan nan.
Hukumar ta bukaci jama’a da su kasance masu lura yayin saye ko karbar kayayyaki, tare da sanar da hukumomi duk wani abu da suka gani da ke da alaka da safarar miyagun kwayoyi.
NDLEA Ta Gano Miyagun Kwayoyi Da Aka Ɓoye A Cikin Kayan Wasan Yara Da Garin Kwaki
