Mutane da yawansu ya tasamma 100 ne suka mutu a wata gobara da ta tashi a wasu haramtattun matatun mai biyu dake kusa da juna a jihar Imo dake yankin Niger Delta.
Lamarin ya faru ne ranar Juma’a da daddare bayan da aka samu fashewar wani abu a matatun.
Gobarar ta ƙone akasarin mutanen da ta rutsa da su ta yadda ba a iya gane su. Waɗanda lamarin ya ritsa da su sun haɗa da masu gudanar da matatar da kuma wasu mazauna yankin.
Kawo yanzu dai babu wata sanarwa daga hukumomi kan musabbabun ta shin gobarar.
