Fitaccen mawakin Birtaniya, Central Cee, ya jawo cece-kuce a shafukan sada zumunta bayan ya sanar da cewa ya karɓi Musulunci.
A cikin sanarwar da ya yi kai tsaye, mawakin ya bayyana cewa ya furta kalmar shahada. Ya ce, “I declared the Shahada, I have a new name, I am now a Muslim.”
Magoya bayansa sun cika shafukansa da sakonnin taya shi murna da maraba. Wasu daga cikin sakonnin sun haɗa da, “Welcome to Islam, brother,” “You have been honored with Islam,” da “Welcome, Muslim brother.”
Bayan sanarwar, batun sabon sunan da Central Cee zai ɗauka ya zama abin tattaunawa. Yayin da ya ce, “I have a new name,” mabiyansa suka fara ba da shawarwari.
Daga cikin shawarwarin, sunan Yusuf ya fi jawo hankali. Wasu sun rubuta, “Yusuf suits him well,” yayin da wasu suka ce, “I am curious about the Muslim name, but let it be Yusuf.”
Har yanzu, mawakin bai fitar da wata sanarwa a hukumance dangane da sabon sunan ba, lamarin da ke ci gaba da jan hankalin mabiyansa a intanet.
Mawaki Ɗan Ingila Central Cee Ya Rungumi Addinin Musulunci
