Jerin ayarin motocin gwamnan jihar Zamfara, Abdulaziz Yari ya fuskanci hari daga wasu fusatattun yan jam’iyar APC a Gusau babban birnin jihar.
An kai harin kan ayarin motocin gwamnan a daidai shatale-talen Lalan dake Gusau lokacin da yake kan hanyarsa ta zuwa Kaduna.
Wasu mambobin jam’iyar APC dake biyayya ga fusatattun yan takarar gwamnan jihar su ne ake zargi da kai harin.
Yan takarar da nunen dantakarar da gwamnan ya yi bai musu dadi ciki harda da Ibrahim Wakala mataimakin gwamnan jihar sun shirya wani taron gangami da dimbin magoya bayansu suka halarta.
Dai-dai lokacin da yan takarar da magoya bayansu ke kan hanyar dawowa gari sai su kaci karo da ayarin jerin gwanon motocin gwamnan inda suka farmusu suka farfasa gilasan motar.
Jami’an tsaron kwantar da tarzoma dake ayarin gwamnan sai da suka yi harbin iska kafin su tarwatsa maharan.