Mataimakin Gwamnan Jihar Taraba, Aminu Alkali, ya dawo Jalingo, babban birnin jihar, bayan dogon lokaci ba a ganshi ba.
Rahotanni sun bayyana cewa Alkali ya sauka ne a filin jirgin sama na Yalo, sannan aka kai shi gidan gwamnati cikin rakiyar motoci guda hudu.
Wata gajeriyar bidiyo ta bayyana a kafafen sada zumunta da ke nuna lokacin isowarsa daga Abuja, kafin a wuce da shi gidansa na hukuma.
Alkali bai bayyana a ofishinsa ba tsawon watanni takwas da suka gabata, abin da ya jawo jita-jita cewa yana fama da wata rashin lafiya da ba a bayyana ba.
Mataimakin Gwamnan Taraba Aminu Alkali Ya Dawo Bayan Rashin Ganinsa na Tsawon Lokaci
