Wani malamin addinin Muslunci a Najeriya, Sheikh Muyiddeen Bello, ya soki lamarin wasu da aka ce Malaman Musulunci ne kuma suka je gidan ɗandaudu Bobrisky da sunan yi masa addu’ar buɗewa.
Malamin ya yi sukar ne cikin wata hira da ya yi da jaridar Punch.
A cikin hirar, an tambaye shi, ko Musulunci ya haramta sauya jinsi. Sai ya ce ai Musulunci ya haramta irin wannan ɗabi’a saboda ya hana Musulmi ya yi shiga irin ta mata ko Musulma ya yi shiga irin ta maza.
Bidiyon yadda wadancan malaman suka je gidan na Bobrisky ya karaɗe kafafen sada zumunta na zamani, inda mutane mutane da yawa suke Allah -wadai da hakan.
