Lionel Messi: Barcelona ta rantse ba za ta sayar da ɗan wasan ba, Koeman na son Wijnaldum

Lionel Messi

Mahaifin Lionel Messi da wakilinsa, Jorge, sun gana da shugaban Barcelona Josep Maria Bartomeu, wanda ya shaida musu cewa ba zai sayar da dan wasan Argentina, mai shekara 33 ba. (Marca)

Ganawar farko da aka yi tun bayan Messi ya nemi barin Barcelona ta tashi baram-baram, inda kungiyar ta ce dole ya kammala kwangilarsa ta shekara biyu. (Mundo Deportivo – in Spanish)

Kundin da Barcelona za ta karba idan Messi zai bar kungiyar zai iya zama kasa da euro 100 m (£88.8m), in ji jaridar Telegraph.

An gayyaci Manchester United ta sasanta da Bayern Munich kan dan wasan Sufaniya Thiago Alcantara, mai shekara 29. (ESPN)

Sabon kocin Barcelona Ronald Koeman yana so kungiyar ta yi duk abin da za ta iya domin dauko dan wasan Liverpool da Netherlands Georginio Wijnaldum, mai shekara 29. (ESPN)

Aston Villa na fuskantar gogayya daga wurin Newcastle kan dan wasan Bournemouth da Ingila Callum Wilson, mai shekara 28. (Telegraph)

Paris St-Germain ta yi watsi da damar dauko dan wasan Faransa mai shekara 21 Matteo Guendouzi daga Arsenal. (Telegraph)

DC United ta nemi dauko dan wasan Juventus Gonzalo Higuain, mai shekara 32, kuma tana son dauko dan wasan Everton dan kasar Iceland Gylfi Sigurdsson, mai shekara 30. (The Athletic – subscription required)

Kasashen Faransa da Ingila da Sufaniya da kuma China suna son dauko dan wasan Argentina Higuain, a cewar wakilinsa. (Tuttosport – in Italian)

More News

Peter Obi Ya Ziyarci Mutanen Da Su Ka Ƙone Sakamakon Wutar Da Wani Ya Cinnawa   Masallaci A Kano

Ɗan takarar shugaban ƙasa  a zaɓen 2023 ƙarƙashin jam'iyar Labour Party (LP) Peter Obi ya ziyarci mutanen da wani matashi ya cinnawa wuta a...

An sanar da zaman makoki na kwana biyar saboda mutuwar shugaban kasa a Iran

Jagoran juyin juya halin Musulunci na Iran Ayatollah Ali Khamenei ya sanar da zaman makoki na kwanaki biyar saboda rasuwar shugaban kasar Ibrahim Raisi...

Najeriya za ta dena shigo da man fetur a cikin watan Yuni – Dangote

Aliko Dangote mutumin da ya fi kowa arziki a Nahiyar Afirka ya ce Najeriya za ta daina shigo da man fetur a cikin watan...

An ceto mutane 9 daga wani ginin bene da ya ruguzo a jihar Niger

Mutane 9 aka samu nasarar cetowa daga wani ginin bene mai hawa ɗaya da ya ruguzo a yankin Sabon Gwari dake garin Minna babban...