Kun san wanda ya kai hari London ranar Talata?

An kama mutumin ne bisa zargin ta’addanci bayan motarsa ta daki wani shinge a wajen majlisar dokokin Birtaniya.

Gabanin motar ta daki shingen, sai da mutumin da ake zargi Salih Khater ya bi ta kan wasu mahaya kekuna dake jiran a basu hannu.

Hukumomi sun ce Salih Khater dan asalin kasar Sudan ne amma haifaffen Birtaniya.

Tuni dai yan sanda suka fara yi masa tambayoyi a kudancin London.

Mutane uku sun ji rauni bayan motar ta kade wasu mahaya kekuna da masu tafiyar kafa da safiyar Talata.

An kai mutane biyu asibiti bayan hadarin kuma an sallame su daga baya.

Salih Khater ba ya cikin mutane da hukumar leken asirin Birtaniy M15 ko yan sandan da ke yaki da ta’addanci suke sa ido a kansu, sai dai ‘yan sandan unguwarsu sun san shi.