Babbar kotun birnin tarayya Abuja ya yankewa Robert Orya tsohon manajan daraktan Bankin NEXIM na Shiga da kuma Fitar da Kayayyaki na Najeriya daurin shekaru 490 a gidan yari.
Kotun ta daure shi ne a bayan da ta same shi da laifin almundahanar kudade da yawansu ya kai naira biliyan 2.4.
A ranar Alhamis ne mai shari’a, F.E Messiri dake jagorantar zaman shari’ar ya yankewa Orya daurin shekaru 10 kan laifuka 49 da hukumar EFCC ke tuhumarsa da aikatawa.
Sai dai kuma zai yi dukkanin shekarun laifuka a tare hakan na nufin zai shafe shekaru 10 ne kaÉ—ai a gidan yari.
Orya ya rike mukamin shugaban bankin na NEXIM daga shekarar 2009 zuwa 2016.
EFCC ta zarge shi da yin amfani da mukaminsa na manajan bankin ba bisa ka’ida ba inda ya bawa kansa bashin naira biliyan 1.4.
Hukumar ta yi zargin cewa a lokacin da Orya yake rike da mukamin manajan banki ya kafa wani ta hanyar yin amfani da sunan wasu mutanen da baki É—aya ma babu su a duniya da kuma sunan wasu mutanen ba tare da saninsu inda ya ciwa kamfanin bashi kuma ya shafe tsawon shekaru ba tare da ya biya ba.
