Jam’iyun PDM da ADC sun hade da jam’iyar NNPP a jihar Niger.
Hakan na zuwa ne biyo bayan hukuncin da kotun koli ta yanke da ya tabbatar da ikon da hukumar zabe ta INEC take da shi na soke jam’iyun da suka gaza tabuka abun azo a gani a zabubbuka.
Jam’iyun siyasa 22 hukumar ta INEC ta soke inda suka garzaya kotu suna kalubalantar matakin na INEC har ta kai ga kotun koli.
A cikin wata sanarwa ta hadin gwiwa jam’iyun biyu ta bakin shugabanninsu, Engr Abdullahi Abubakar Gwada na PDM da Yahaya Adamu na ADC sun bayyana cewa suna sane da tasirin da hukuncin kotun kolin yake da shi.
Tuni suka umarci magoya bayansu da su fara rijista a jam’iyyar NNPP.
