Rundunar sojin Benin ta tabbatar da cafke wasu sojoji da ake zargi da hannu a yunkurin kifar da gwamnati, ciki har da wadanda ake ganin su ne suka shirya wannan abu.
Rahotanni sun nuna cewa an kama mutane 13. Baya ga mutum daya da ba ya cikin aikin soja yanzu, sauran duk sojoji ne masu aiki.
Lamarin ya faru ne bayan wasu jami’an soja sun bayyana a talabijin na kasa da safiyar Lahadi.
Sun sanar da cewa sun tsige Shugaba Patrice Talon.
Sun kuma ce sun rusa dukkan cibiyoyin gwamnati.
Jami’an sun bayyana kansu a matsayin Military Committee for Refoundation tare da ikirarin cewa sun karɓi mulki.
Sai dai fadar shugaban kasa ta karyata wannan ikirari.
Ta tabbatar cewa Shugaba Talon yana cikin koshin lafiya.
Hukumomin tsaro masu goyon bayan gwamnati suna dawo da doka da oda a duk fadin kasar.
Fadar shugaban kasar ta bayyana abin da ya faru a matsayin yunkuri daga ‘yan kalilan marasa tasiri.
Hukumomi sun ce bincike ya ci gaba yayin da ake tsaurara matakan tsaro.
