Dakarun soja na rundunar tsaro ta 29 Task Force Brigade tare da haɗin gwiwar dakarun kungiyar Civilian JTF sun kama wani da ake zargin mai garkuwa da mutane ne a kasuwar Benisheikh dake karamar hukumar Kaga ta jihar Borno
Wasu majiyoyi jami’an tsaro sun bayyana cewa wanda ake zargin mai suna Charu Madu an kama shi ne a ranar 30 ga watan Maris da misalin karfe 05:45 na yamma biyo baya samun sahihan bayanan sirri daga wasu mutane.
A cewar majiyar bayan samun nasarar kama shi an gano bindiga kirar AK-47 guda a tare da shi tare da harsashi da kuma kuɗi naira 4500.
Kawo yanzu ana tsare da wanda ake zargi inda ake cigaba da gudanar da bincike.
