Hukumar Zaɓe Mai Zaman Kanta ta Ƙasa (INEC) ta sanar da Joshua Ishaku a matsayin wanda ya lashe zaɓen shugaban ƙaramar hukumar Bwari da ke Babban Birnin Tarayya (FCT).
Baturen zaɓen, Mohammed Nurudeen, ne ya bayyana sakamakon a ranar Lahadi a Bwari, inda ya ce Ishaku ya samu ƙuri’u 18,466.
Haka kuma, ya bayyana cewa ɗan takarar jam’iyyar ADC ya samu ƙuri’u 4,254, yayin da na jam’iyyar ZLP ya samu ƙuri’u 3,515, inda suka zo na biyu da na uku bi da bi.
Rahotanni sun nuna cewa an gudanar da zaɓen a mazabu goma na ƙaramar hukumar, da suka haɗa da Igu, Shere, Dutse, Ushafa, Byazhin, Kuduru, Kubwa, Usuma, Bwari Central da Kawu.
INEC Ta Ayyana Dan Takarar APC A Matsayin Wanda Ya Lashe Zaɓen Shugaban Bwari
