Wani jigo a jam’iyyar APC, Joe Igbokwe, ya ce kalamai da ayyukan Sheikh Ahmad Gumi suna nuna kamar yana ɗaukar kansa sama da doka.
Igbokwe ya bayyana hakan a ranar Lahadi ta hanyar rubutu a shafin X. Ya ce Gumi yana magana ne kamar yana goyon bayan ‘yan bindiga, har ma yana mu’amala da su.
A cewarsa, Gumi yana yin kalamai kamar shi ne shugaban ‘yan ta’addan, kuma abubuwan da yake aikatawa suna nuna kamar baya jin tsoron doka.
Rahoton ya bayyana cewa Gumi ya ƙara fitowa fili da kalamai tun bayan hare-haren sama da Amurka ta kai a jihar Sakkwato, tare da haɗin gwiwar gwamnatin Najeriya.
Igbokwe Ya Ce Gumi Yana Magana Kamar Shugaban ‘Yan Ta’adda
