Wani harin sojan sama da dakarun Najeriya suka kai kan yan bindiga yayi sanadiyar mutuwar yara 7 tare da jikkata wasu biyar bisa kuskure a jamhuriyar Nijar.
Gwamnan yankin da lamarin ne ya faru ya bayyana haka a ganawar da yayi da kamfanin dillancin labarai na AFP.
“An samu kuskure kan farmakin saman sojan Najeriya akan iyaka da ya jawo asarar rayuka a kasarmu a kauyen Nachade,” ranar Juma’a a cewar Chaibou Aboubakar gwamnan lardin Maradi.
Ya ce hudu daga cikin yaran sun mutu ne nan take yayin da uku suka mutu lokacin da ake kan hanyar kai su asibiti.
