Jami’an hukumar kwashe shara ta jihar Lagos sun kama wasu masu kwashe shara da basu da rijista inda aka ƙwace kurar aikinsu.
Hukumar ta gudanar da kamen ne ga yankin Abule-Egba, Oshodi, Agege, Dopemu da kuma wasu sassan jihar.
A wani saƙo da ya wallafa a shafin X a ranar Asabar, Muyiwa Gbadegesin shugaban hukumar ya ce masu kwashe shara a kura suna sanya birnin ya zama bashi da kyan gani.
Ya ce tawagar jami’an hukumar dake yaƙi da masu kwashe shara a kura a ƙarƙashin Idowu Sanni su ne suka yi aikin kamen.
