Rahotannin da muke samu na nuna cewa gobara ta lalata shaguna sama da 150 a kasuwar ‘Yan Katako da ke Sabon Gari, Zariya a Jihar Kaduna.
Gobarar ta tashi ne a ranar Laraba da misalin karfe 1 na dare kuma ta ci gaba da ci har zuwa wayewar garin.
Babban jami’in tsaro na kasuwar Hamisu Buhari ya bayyana cewa gobarar ta fara ne a lokacin da Kamfanin Wutar Lantarki na KEDCO na Kaduna ya maido da wutan lantarki, inda wata igiyar wutar lantarki ta fado a rufin daya daga cikin shagunan.
An ruwaito yana cewa, “A karshe na tuntubi hukumar kashe gobara a babbar kasuwar Sabon Gari. Sun ce in kawo musu mai. Sai da na kawo musu kafin suka zo wurin.”
