Al’ummar Zariya na cikin jimami sakamakon rasuwar fitaccen malamin addini, Sheikh Usman Kusfa, wanda aka fi sani da Sheikh Rigi-Rigi.
An sanar cewa malamin ya rasu bayan ya sha fama da doguwar rashin lafiya. Sheikh Rigi-Rigi ya kasance mutum mai daraja da mutunci, wanda aka san shi da wa’azinsa da tasirinsa a cikin al’ummar Musulmi a Zariya da ma sauran yankuna.
An shirya gudanar da sallar jana’izarsa da misalin karfe 4:30 na yamma a Babban Filin Low-Cost da ke Zariya, inda ake sa ran jama’a da dama za su halarta.
Sakonni na ta’aziyya sun fara shigowa daga ko’ina, inda mutane ke bayyana alhininsu tare da yi masa addu’ar samun rahamar Allah. Daya daga cikin addu’o’in da ake yawan furtawa shi ne:
“Allah Ya jikansa, Ya gafarta masa, Ya sanya rashin lafiyarsa ta zama kaffara ga zunubansa.”
Fitaccen Malamin Addinin Musulunci, Sheikh Usman Kusfa “Rigi-Rigi,” Ya Rasu
