Farashin litar man fetur ya kai ₦1080 a wasu sassan birnin Lagos a yayin da rikicin Gabas ta Tsakiya ya yi ƙamari abun da ya jawo tashin danyen man fetur a kasuwar duniya.
A wasu daga cikin gidajen man fetur dake birnin farashin litar mai na kamawa daga 1020 ya zuwa 1080.
Ƙarin na baya-bayan nan na zuwa bayan da matatar man fetur ta Dangote ta kara farashin mai kan yadda take sayarwa da manyan dillalan man fetur.
Wannan ne karo na biyu da matatar ta kara farashin mai tun bayan da farashin ɗanyen mai ya yi sama sakamakon rikicin.
A ranar Litinin matatar ta Dangote ta sanar da kara kuɗin litar mai daga daga naira ₦774 kan kowace lita ya zuwa naira 874 a yayin da a ranar Juma’a ta sake kara kuɗin man ya zuwa ₦995 kan kowace lita.
A wayewar garin ranar Asabar ana sayar da gangar mai guda kan dalar Amurka $92 inda masana su ke hasashen farashin zai kai wa sama da $100.
Daily Trust gathered that the refinery recently raised its ex-depot price to ₦995 per litre from ₦874 in response to rising crude oil prices on the global market.
