Sanata Joshua Dariye wanda yanzu haka yake zaman gidan yari na shekaru 14 da kotu ta yanke masa kan badakalar kudade lokacin da yake kan kujerar gwamnan jihar Plataeu ya cike fom dinsa na tsayawa takara karakashin jam’iyar APC a zabe mai zuwa.
Sakataren jam’iyar APC na jihar Plataeu,Mista Chindo Dafat shine ya tabbatar da haka.
“Tabbas sanata Dariye ya sayi fom din takara a karo na uku, gaskiya ne yana daga cikin wadanda son samun tikitin tsayawa jam’iyar takara a Plataeu ta tsakiya,” inda ya kara da cewa Dariye ya cike fom din kuma ya mikawa jam’iyar.
Tun lokacin da labarin sayen fom din Dariye ya fara zaga gari mutane suke nuna shakku kan cewa ta yaya mutumin dake gidan yari zai iya tsayawa takara.
Dafat tsohon gwamnan zai fafata da sauran yan takarkaru uku da suka hada da Zakari Dimka, Sam Piwuna and Manji Pompori.