Darajar takardar kudin naira tayi kasa a kasuwar musayar kudaden waje.
Tuni dai masana da dama suka yi hasashen haka tun bayan da babban Bankin Najeriya CBN ya bayar da sanarwar shirinsa na sauya fasalin takardar kudin naira.
Masanan sunyi hasashen cewa mutanen da suka boye kudade a gidajensu za su fito da su domin canza su ya zuwa dalar amurka mai makon su kai asusun su na banki.
A kasuwar musayar kudade ta bayan fage a Abuja an rika sayar da dala kan 775 inda ake sayarwa kan 781.
Hakan na nufin an samu karin kaso 2.64 cikin dari idan aka kwatanta da yadda ake sayarwa a baya.