Sojoji sun kama wasu mutum biyu da ake zargi da kaiwa ‘yan bindiga sakonninsu a kasuwar ƙauyen SCC da ke ƙaramar hukumar Kachia a Jihar Kaduna.
Wani jagoran al’umma daga yankin, wanda ya nemi a sakaya sunansa saboda dalilan tsaro, ya tabbatar da kamen ga manema labarai.
Ya ce an kama waɗanda ake zargin ne a ranar Laraba, misalin ƙarfe 4:44 na yamma a kasuwar ƙauyen SCC bayan samun bayanan sirri da sojojin suka yi.
Ya bayyana cewa sojojin da ke tsayawa a hanyar Bishini, bayan sun samu bayanan sirri, sun nufi kasuwar suka kama waɗanda ake zargin yayin da suke siyan kayan abinci da sauran abubuwa a kasuwa.
Ya ƙara da cewa sojojin sun dade suna zargin waɗanda ake zargin, amma sai a ranar Alhamis suka cafkesu a kasuwa suna siyan kayan da ake zargin za su kai wa ‘yan bindiga a maboyarsu.
Dakarun Najeriya sun cafke wasu ƴan’aiken ƴanbindiga a Kaduna
