Kwamishinoni 22 da kuma masu bawa gwamna shawara ne suka sanar da komawa jam’iyar APC kasa da sa’o’i 24 bayan da gwamnan jihar Adamawa, Ahmadu Fintiri ya sanar da ficewa daga jam’iyar PDP.
Da yake sanar da fitarsa daga jam’iyar PDP a ranar Juma’a a yayin wani jawabi da aka watsa kai tsaye ta kafafen yaɗa labarai Fintiri ya ce mambobin majalisar zartarwarsa da kuma jam’iyar PDP a jihar dukkansu sun koma APC.
Kafin sauya shekar Fintiri, yan majalisar dokokin jihar 15 suka sanar da fitarsu daga jam’iyar PDP a ranar Laraba.
Da yake magana a Yola babban birnin jihar Alloucious Babadoke shugaban kungiyar kwamishinonin jihar ya ce mambobin majalisar zartarwar sun yanke shawarar bin sawun gwamnan a siyasance
Suma ƙungiyar masu bawa gwamna shawara sun sanar da sauya shekarsu daga jam’iyar PDP ya zuwa APC.
Bala Kada, shugaban kungiyar ya ce sun ɗauki matakin ne bayan da suka ɗauki lokaci su na tattauna da ƙungiyoyi kwararru, shugabannin al’umma, ƙungiyoyin matasa da kuma kungiyoyin mata.
