[ad_1]
Hakkin mallakar hoto
Getty Images
Ruwa na janyewa a Kerala amma macizai na bayyana a gidaje
Hukumomi a jihar Kerala da ke kudancin Indiya inda a ka yi ambaliyar ruwa, sun gargadi mazauna jihar da ke komawa gida da su yi kaffu-kaffu domin kuwa yayin da ruwan ke janyewa, macizai na fitowa.
Kafofin watsa labaran jihar sun yi gargadin cewa akwai yiwuwar macizai na boye a cikin kabed-kabed ko kuma cikin injinan wanki a gidajen da ruwa ya ci a lokacin da a kai ambaliyar.
- Ambaliyar ruwa ta hallaka daruruwan mutane a Indiya
- Amitabh Bachchan ya ba da tallafi ga wadanda ambaliyar ruwa ta shafa
Asibitoci a yankunan da ambaliyar ta fi shafa sun bayyana cewa sun samu karin mutane da ke zuwa neman maganin sarin maciji.
Kusan mutane dari hudu ne suka mutu a zaftarewar kasa da ambaliyar ruwa, bayan ruwan sama mai dimbin yawa a jihar Kerala tun karshen watan Mayu.
[ad_2]
