Tsohon babban hafsan sojan kasa na Najeriya, Tukur Yusuf Buratai ya nesanta kansa daga wasu fastocin takarar shugaban kasa dake yawo a gari.
Buratai wanda yanzu haka shi ne jakadan Najeriya a jamhuriyar Benin, Ya ce bai taba nuna sha’awarsa, tattaunawa ko kuma bawa wani umarni kan batun.
Hakan na kunshe ne cikin wata sanarwa da tsohon mai magana da yawun rundunar sojan Najeriya, Sani Usman ya fitar.
Sanarwar ta shawarci al’umma da suyi watsi da fastocin domin ba daga wurin sa suka fito ba.
