Tsohon mataimakin shugaban kasa, Alhaji Atiku Abubakar ya isa gidan tsohon shugaban kasa ,Janar Ibrahim Badamasi Babangida dake Minna a ranar Talata.
Atiku ya isa gidan Babangida mintoci kaɗan bayan ƙarfe 01:00 na rana inda suka shiga ganawar sirri bayanai na nuni cewa ganawar wani ɓangare ne na shirye-shiryen da Atiku yake na tsayawarsa takara a zaben shekarar 2027.
Kusan mintuna 40 ne da fara taro aka ga isowar gwamnan jihar Oyo, Seyi Makinde inda ya wuce kai tsaye dakin da ake gudanar da taron.
Ana saka ran cewa Atiku ko kuma Babangida zai yiwa manema labarai jawabi kan abun da aka tattauna a wurin taron.
