Mutane da yawa ne ake fargabar sun mutu a wajen titin Rukuba dake kusa da birnin Jos bayan da wani hari da aka kai da daddare ya jawo harin ramuwar gayya kan mutanen da basu ji ba su gani ba da safiyar ranar Juma’a.
Wata majiya ta shedawa jaridar Daily Trust cewa wasu yan bindiga ne suka kai hari yankin da daddare inda suka kashe akalla mutane 10.
Matasa dake yankin sun shiga kai harin ramuwar fansa akan masu motoci matafiya.
Ya zuwa yanzu dai ba a iya tantance mutane nawa rikicin ya rutsa da su amma kwamandan rundunar samar da tsaro dake jihar ta ‘Operation Safe Haven’ Manjo Adam Umar da kuma kakakin rundunar ƴansandan jihar, Tyopev Terna sun tabbatar da cewa dakarun tsaro sun isa wurin.
Wakilin jaridar ta Daily Trust ya lura cewa shaguna da dama sun rufe mutane na cigaba da al’amuransu na yau da kullum a birnin.
