An gudanar da jana’izar mutane 26 da suka mutu a sanadiyar hatsarin kwale-kwale a karamar hukumar Shagari ta jihar Sokoto.
Mummunan hatsarin Ya faru ne a kauyen Dadin Mahe dake karamar hukumar.
Wasu majiyoyi dake kauyen sun bayyana cewa lamarin ya faru da maraicen ranar Talata inda jirgi makare da mutane sama da 30 ya kife.
Majiyar ta bayyana cewa an fara aikin ceto mutanen da wuri amma 26 kadai aka iya ganowa.
