Wasu ɓatagari biyu da ake zargin masu garkuwa da mutane ne jami’an ƴan sanda da haɗin gwiwar ƴan bijilante suka kama a garin Ibobo-Abocho dake ƙaramar hukumar Dekina ta jihar Kogi.
Mutanen biyu da ake zargi sun haɗa da Umoru Garuba da Salifu Adamu an kama su ne a ranar Talata da misalin ƙarfe biyu na rana a garin.
Wasu mazauna garin sun bayyana cewa ɓatagarin sun ɗauki watanni suna addabar al’ummar garin.
Amma kuma sa’a ta kwace musu lokacin da mutane suka hange su a wani wuri da suke fakewa suna aikata laifin nan dan kuma suka ankarar da jami’an tsaro har ta kai ga an samu nasarar kama su.
Salami Abdullah wani mazaunin garin wanda ya na ɗaya daga cikin yan kwamitin tsaron garin ya ce mutanen sun saka rayuwa tayi wahala a garin.
