Rundunar ‘yan sandan jihar Delta ta cafke wani matashi mai suna Sunday Ebube Linus da laifin ƙaryar bacewar ƴaƴan marainansa.
Jami’in hulda da jama’a na rundunar ‘yan sandan jihar, DSP Bright Edafe, yayin da yake tabbatar da kama Linus ya kuma gargadi jama’a game da ɗaukan doka a hannu a matsayin hanyar hukunta masu laifi.
Jami’in ya rubuta a shafinsa na X (wato Twitter) a ranar Laraba cewa “wanda ake zargin mai shekaru 18, Ebube Linus, a ranar Lahadi, 8 ga Oktoba 2023 a DBS Road Asaba, ya yi ƙaryar cewa wata tsohuwa a cikin a-daidaita-sahun ta taba shi kuma ƴaƴan marainansa (azzakarinsa) sun ɓace”.
Ya ƙara da cewa, “Sama da bata gari 100 ne suka taru suka ci wa wannan mata zarafi, suka tuɓe ta tsirara suka yi mata duka har ta kai ga kashe ta”.