Majalisar Tattalin Arziki ta Kasa ta sanar a ranar Alhamis a Abuja cewa ta yanke shawarar cewa ba za a cire tallafin man fetur ba, kamar yadda aka tsara a watan Yunin 2023.
Misis Zainab Ahmed, ministar kudi ta kasa ce ita ce ta bayyana hakan ga manema labarai a fadar shugaban kasa jim kadan bayan kammala taron majalisar wadda mataimakin shugaban kasa Yemi Osinbajo yake jagoranta.
A cewar ministar kuɗin, “Majalisar ta amince da cewa bai kamata a cire tallafin man fetur ba a yanzu. Amma mu ci gaba da duk ayyukan shirye-shiryen da ya kamata a yi kuma dole ne a yi wannan shiri tare da tuntubar jihohi da sauran masu ruwa da tsaki ciki har da wakilan gwamnati mai zuwa.
