Wasu gungun mutane sun kashe wasu mata biyu a jihar Adamawa bisa zargin su da maita.
Rahotanni sun nuna cewa wani sufeton ‘yan sanda da kuma wasu ‘yan banga na da hannu a kisan.
Rundunar ‘yan sandan jihar Adamawa, wacce a ranar Lahadin da ta gabata ta tabbatar da faruwar lamarin, ta ce ta kama wasu mutane 10 da ake zargi da hannu a ciki, ciki har da dan sanda da kuma ‘yan banga.
Rundunar, a cikin wata sanarwa da jami’in hulda da jama’a na ƴan sandan jihar, SP Suleiman Nguroje ya sanya wa hannu, ta ce, “Rundunar ‘yan sandan jihar Adamawa ta ci karo da wani faifan bidiyo mara dadi wanda ya yadu a wasu sassan kafafen yada labarai, musamman a shafukan sada zumunta, inda wani Sufeto na ‘yan sanda da kuma wasu ‘yan banga da ke hedikwatar ‘yan sanda na Dumne, inda aka gan su suna cin zarafin mata uku ta hanyar da ba ta dace ba.
