Abin da ya sa iPhone 15 take zafi—Apple

Kamfanin Apple ya dora alhakin zafin da sabuwar wayarsa ta iPhone 15 ke yi a kan wata kwaya mai cutarwa da ke cikin injin sarrafa wayar da kuma ayyukan sabunta manhajoji kamar Instagram.

Tun lokacin da kamfanin ya fara sayar da sabuwar wayar da ya fitar a watan Satumba, wasu masu amfani da iPhone 15 suka fara korafin cewa wayoyin nasu na daukar matukar zafi.

Apple ya ce akwai wata kwaya mai cutarwa a duk lokacin da aka sabunta injin sarrafa wayar wato iOS 17.

Ya kuma yi ikirarin cewa sauye-sauyen da ake samu a kan manhajojin wasu kamfanonin ne ke “janyo su cika injin sarrafa wayar”.