Rundunar ƴan sandan jihar Bauchi, ta ce jami’an ta sun samu nasarar kama wasu mutane 6 da ake zargin su da aikata fashi da makami a jihar.
Mai magana da yawun rundunar ƴan sandan jihar Bauchi, Ahmad Wakili shi ne ya bayyana haka a cikin wata sanarwa da ya fitar..
Ya ce jami’an ƴan sandan na ofishin ƴan sanda dake Yalwa su ne su ka kama mutanen a ranar Lahadi.
” A ranar 17 ga watan Nuwamba shekarar 2024 bisa dogaro da sahihan bayanan sirri jami’ai daga ofishin ƴan sanda na Yelwa ƙarƙashin jagorancin DPO cikin nasara su ka kama mutane 6 da a ke zargi da haɗa baki wajen aikata laifi, fashi da makami da kuma taimakawa wajen aikata laifuka,” ya ce.
“Waɗanda aka kama su ne Musa Umar, shekaru 17, Ibrahim Mohammed, shekaru 17, Bilal Musa, shekaru 17, Idriss Jibrin, shekaru 17 da Maryam Salisu, mai shekaru 40.”
A yayin da a ke gudanar a da bincike an gano wayoyin hannu guda huɗu a wurinsu, kwamfuta laptop guda biyu, cajar waya uku, tocilan biyu, kwalbar manja uku, fawa bank da kuma na’urar MP3.
