[ad_1]
Hakkin mallakar hoto
Getty Images
A yau Laraba ne al’ummar jamhuriyar Nijar ke gudanar da bukukuwan Sallar Layya.
Nijar na Sallar ne sabanin galibin kasashen duniya da suka gudanar da bukukuwan sallah tun a jiya Talata bayan hawan Arafah a ranar Litinin.
Dama dai Nijar ta riga Saudiya da Najeriya da wasu kasashen musulmi fara daukar azumin Ramadan, kuma ranar Sallar layya a Nijar ta fado ne daidai da yadda ake cewa ranar azuminku ranar Layyarku.
Tun a ranar Talata al’ummar musulmi a Najeriya makwabciyar Nijar suka gudanar da bukukuwansu na sallah.
Kamar yadda aka saba dai Sallah rana ce ta biki da murna da shagali.
Kuma bisa al’ada a Nijar akan yi ziyara ga `yan uwa da abokan arziki, tare da rarraba abinci don kara dankon zumunci.
[ad_2]
