[ad_1]
Rundunar ƴansandan jihar Enugu ta fara bincike kan lamarin da yakai ga mutuwar wani matashi mai shekaru 24 baya da sha ganyen tabar wiwi fiye da ka’ida.
Mai magana da yawun rundunar, SP. Ebere Amaraizu, shine ya bayyana haka cikin wata sanarwa, jiya a Enugu.
Ya ce lamarin yafaru ne ranar 22 ga watan Agusta a kauyen Ameke dake karamar hukumar Aninri ta jihar Enugu.Amaraizu ya bayyana wanda ya mutu da suna,Ebube Chukwu.
Ya ce an rawaito cewa Chukwu ya kashe kansa bayan da ya sha ganyen tabar wiwin da akafi sani da Igbo
“An rawaito cewa marigayin ya rataye kansa a saman wata bishiya dake cikin dajin Obokolo,”ya ce.
“An kuma gano cewa mamacin na da dabi’ar shan tabar wiwi a koda yaushe wacce za ta iya jawo aikata mummunan lamarin.”
[ad_2]