Sir Alex Ferguson ya ce yana fatan Manchester United za ta yi nasara idan ya je wasanta da Wolves
.
Manchester United za ta karrama tsohon kociyanta Sir Alex Ferguson a lokacin da zai halarci wasanta a karon farko bayan da aka yi masa tiyata a kwakwalwarsa a watan Mayu.
Ferguson mai shekara 76 zai halarci wasan da United za ta yi na Premier a gida da Wolves a ranar Asabar din nan.
Kungiyar ta bukaci magoya bayanta da su kasance a kujerunsu minti 15 kafin fara wasan, saboda shirin da ta yi na martaba komowar Sir Alex din.
An ruwaito tsohon kociyan yana cewa, ”Ba shakka abu ne da dauki dogon lokaci amma ina murmurewa, ina yin abin da dana ya gaya min na yi da kuma abin da likitoci suka gaya min.”
Zuwan Ferguson filin Old Trafford na karshe tun a ranar 29 ga watan Afrilu, lokacin da ya mika wa tsohon kociyan Arsenal Arsene Wenger kofi na girmamawa.
