Kungiyar likitocin Najeriya, NMA, ta tabbatar da kub’ɓucewar wani likitan da aka sace, Dokta Orockarrah Orock, da ke aiki a Asibitin Koyarwa na Jami’ar Najeriya, UNTH, Ituku-Ozalla, Jihar Enugu.
An samu labarin cewa an yi garkuwa da Orock ma’aikacin Sashen Asthesia na UNTH a daren ranar Asabar a cikin harabar asibitin, yayin da yake bakin aiki.
Shugaban kungiyar NMA reshen jihar Enugu, Dr Celestine Ugwoke, shi ne ya tabbatar da hakan ga Kamfanin Dillancin Labaran Najeriya a Enugu ranar Litinin.
Mista Ugwoke ya ce, Orock ya tsere ne bayan da masu garkuwa da shi suka gamsu da tayin biyan kudin fansa da matarsa ta nema kuma suka tafi suka yi barci mai nauyi.
A cewarsa, likitan da aka sace a hankali ya zarce daga inda aka ajiye shi a cikin kogon masu garkuwa da mutanen sannan ya samu ya gudu.
