Hakkin mallakar hoto
@GcfrNg
Atiku Abubakar, tsohon shugaban Najeriya kuma dan takarar shugaban kasa a babbar jam’iyyar adawa ta PDP, ya sauka a Abuja bayan ziyarar kwana biyu da ya kaiAmurka.
Rahotanni daga Najeriya sun ce ya dawo ne domin muhawarar da aka shirya gudanarwa tsakanin ‘yan takarar shugaban kasa a Abuja a ranar Asabar.
Sai dai babu wani tabbaci daga dan takarar na PDP ko kuma daga jam’iyyarsa kan ko zai halarci muhawarar da za a yi misalin karfe 7 na dare.
Ziyarar dai ta janyo ce-ce-ku-ce tsakanin ‘yan Najeriya musamman kan batun cewa ba zai iya shiga Amurka ba.
Wasu na ganin wannan dalilin ne ya sa Atiku zuwa Amurka domin toshe bakin ‘yan adawa.
Dan takarar na PDP ya wallafa a Twitter cewa ya samu ganawa da ‘ya’yan jam’iyyar PDP a Washington domin neman goyon bayansu ga manufarsa ta gyara Najeriya.
Ya kuma ce ya gana da ‘yan kasuwa domin tattauna hanyoyin ciyar da Najeriya gaba.
