An sassauta dokar hana zirga-zirga a Kaduna

A yau Talata, Gwana Nasir El-Rufai ya jagoranci taron majalisar tsaro ta jihar

Gwamna jihar Kaduna Nasir El-Rufai ya sanar da sassauta dokar hana fita ta sa’a 24 da aka sanya a jihar ranar Lahadi.

Gwamnan ya bayyana hakan ne ta shafinsa na Twitter, sai dai ba duka sassan jihar ba ne aka sassauta dokar.

An sassauta dokar a birnin Kaduna, inda a yanzu dokar za ta fara aiki daga karfe 5 na yamma zuwa karfe 1 na rana.

Wannnan na nufin kenan mutane za su iya zirga-zirgansu da harkokinsu a birnin tsakanin karfe 1 na rana zuwa karfe 5 na yamma.

Har ila yau, gwamnan ya ce akwai unguwannin da dokar hana fita za ta cigaba da aiki wadanda su ne Kabala West da Kabala Doki da Narayi da Maraban Rido.