Gwamnan jihar Kano, Dakta Abdullahi Umar Ganduje, ya bayyana cewa sabbin masarautu hudu da gwamnatinsa ta kafa suna nan daram.
Ya bayyana hakan ne a yayin bikin ranar ma’aikata da aka gudanar a filin wasa na Sani Abacha, Kano.
Ganduje ya jaddada cewa Allah ba zai bar kowa ya kawo ƙarshensu ba.
In ba a manta ba, Gwamnan ya raba masarautun Kano gida biyar sannan ya tsige Sarkin Kano na lokacin Alhaji Muhammadu Sanusi.
To sai dai kuma a makon da ya gabata a wani faifan bidiyo da ya fito fili, Sanata Rabi’u Kwankwaso, jagoran jam’iyyar New Nigerian Peoples Party (NNPP), ya yi ikirarin cewa gwamnati mai jiran gado ta Engr Abba Kabir Yusuf za ta yi nazari a kan tsige masarautun tare da sauya tsarin masarautar.
A nasa martanin, Ganduje a lokacin da yake kammala jawabinsa a wajen bikin ranar ma’aikata, ya bayyana cewa sabbin masarautun guda hudu na nuni da hadin kai, ci gaba da jin dadin al’umma.
