Connect with us

Hausa

Zanga-zanga da yajin aikinmu sai sun game Nigeria – ‘Yan Kwadago

Nigerian labour protest

Ma’aikatan kwadagon sun ce bayan zanga-zangar wuni daya a biranen kasar, za kuma su shiga yajin aikin sai-baba-ta-gani

Hadaddiyar kungiyar kwadago a Najeriya, United Labour Congress Of Nigeria, ta ce ta daura damarar gudanar da wani yajin aiki na sai Baba-ta-gani, don matsa lamba ga gwamnatocin kasar su amince da karin albashi mafi karanci na naira dubu talatin.

kungiyar ta umarci ‘ya’yanta a duk fadin Nijeriya su tashi da haramar fara wannan yajin aiki tun a tsakar daren jiya, da kuma wata gagarumar zanga-zanga da za a yi a duk fadin kasar.

Al’amarin na zuwa ne da nufin nuna rashin gamsuwa da matakin gwamnatin kasar a kan mafi karancin albashi.

Sakataren tsare-tsare na hadaddiyar kungiyar kwadago ta ”ULCN”, Kwamadred Nasir Kabiru Ahmad kuma jagoran zanga-zangar ta ranar Talata, ya ce sun umarci duk ‘ya’yansu su zauna a gida, wadanda suka fito kuma za su “zunduma zanga-zanga a duk fadin kasar”.

Hakkin mallakar hoto
PresIDENCY

Image caption

Ma’aikatan kwadagon sun ce gwamnati na jan kafa ne da gangan har sai an shiga zabe a kasar

Ya ce kugiyoyin kwadagon kasar sun dauki wannan mataki ne saboda gazawar shugaban kasa na mika kudurin dokar biyan mafi karancin albashi ga zauren majalisun Najeriya.

A cewarsa bayan kwamitin bangare uku (Tripartite Committee) ya amince da albashin mafi karancin albashi na naira dubu talatin, sai ‘yan kwadagon suka ba wa shugaban kasa mako biyu don gabatar da kudurin gaban majalisa.

“Tun daga ranar da muka mika wa shugaban kasa wannan rahoto, bai kira mu ya nuna mana ci gaban da aka samu ba, bai kuma tura majalisar ba, in ji Kwamared Nasir.

Ya ce matakin ya kara jefa kananan ma’aikata da sauran ‘yan kwadago cikin kunci da matsin rayuwa.

“Mu abin da muka dauka (gwamnati) wani sabon salo ne na kawo jinkiri har majalisa ta shiga hutu, da ta shiga hutu, zabe ya zo, shi ke nan. Ka ga babu yadda za a saurari ma’aikata” in ji sakataren kwadagon.

Kwamared Nasir Ahmad ya ce tsawon shekara uku ke nan, ana maganar biyan mafi karancin albashin na naira dubu talatin. “Mene ne dubu talatin ga ma’aikacin Najeriya?”

“Mu, mun dauka wannan, rashin adalci ne kuma rashin tausayin ma’aikata ne a Najeriya,” a cewar jagoran kwadagon.

Ya kuma zargi gwamnonin Najeriya da zalunci don kuwa: “Mu, mun san suna da kudaden da suke karba wanda ba ma dubu talatin ba, in ma dubu hamsin ne, akwai kudin da za a iya biyan ma’aikata a jihohi.”

Facebook Comments
Advertisement
Click to comment

Leave a Reply

Your email address will not be published. Required fields are marked *

Hausa

Ƴanbindiga sun kashe shugaban jam’iyar APC a jihar Imo

Yan bindiga sun harbe, Mista Ifeanyi Ozoemena,shugaban jam’iyar APC na mazabar Logara/Umuohiagu dake karamar hukumar Ngor Okpala ta jihar Imo.

Wakilin jaridar Daily ya tattara bayanan dake cewa an harbe Ozoemena har lahira ranar Talata da daddare sa’o’i biyu bayan da ya jagoranci taron jam’iyyarsa a mazabarsa a shirye shiryen da suke na tunkarar zaben shugaban dana yan majalisun tarayya.

A cewar wadanda suka sheda abinda ya faru, an harbe shugaban na APC a cikin gidansa lokacin da iyalansa ke tare da shi.

Mataimakin shugaban kungiyar cigaban al’ummr Logara wanda ya tabbatar da faruwar kisan kan da ya bayyana da abu marar dadin ji.

Kwamishinan ƴansandan jihar, Dasuki Galadanchi ya tabbatar da faruwar lamarin a tattaunawar da ya yi da wakilin jaridar Daily Trust ta wayar tarho inda ya ce tuni jami’an tsaro suka dauke gawar.

Facebook Comments
Continue Reading

Hausa

Man City ta nuna wa Schalke 04 kwanji

Man City

Hakkin mallakar hoto
Getty Images

Manchester City ta yi nasarar doke Schalke 04 da ci 3-2 a wasan farko zagaye na biyu a gasar cin kofin Zakarun Turai ta Champions League da suka kara ranar Laraba.

City ce ta fara cin kwallo ta hannun Sergio Aguero, daga baya Schalke ta ci biyu duk a bugun fenariti ta hannun Nabil Bentaleb.

Bayan da aka dawo daga hutu ne City ta farke ta hannun Leroy Sane a bugun tazara, sannan Rahem Sterling ya ci na hudu.

City ta kare karawar da ‘yan kwallo 10 a cikin fili, bayan da aka korar mata Nicolas Otamendi a minti na 23 da komawa zagaye na biyu.

Schalke 04 za ta ziyarci Ettihad domin karawa da Manchester City a wasa na biyu a ranar 12 ga watan Maris.

Facebook Comments
Continue Reading

Hausa

Gobara ta kone shaguna 31 a kasuwar Gumi dake Kaduna

Jumallar shaguna 31 da kuma kayan abinci na miliyoyin naira gobara ta kone kurmus ranar Laraba a kasuwar Sheikh Gumi dake yankin Bakin Dogo a jihar Kaduna.

An gano cewa gobarar ta fara ne da misalin karfe 2:00 na dare lokacin da masu shagunan ke kwance a gidajensu sai dai masu gadi kawai a kasuwar.

Ya zuwa yanzu babu cikakken bayanin musabbabin faruwar gobarar amma yan kasuwar sun alakanta tashin gobarar da wutar lantarki.

Gobarar tafi shafar bangaren masu sayar garin rogo dana masara akan titin Birnin Kudu dake yankin Bakin Dogo.

Da wakilin jaridar Daily Trust ya ziyarci wurin ya iske masu alhini da kuma masu shaguna sunyi rukuni-rukuni suna tattaunawa kan faruwar lamarin.

Shugaban masu sayar da Rogo a Bakin Dogo, Alfa Hussaini ya ce yan kasuwar na bukatar tallafi.

Facebook Comments
Continue Reading
Advertisement
Advertisement

Trending

%d bloggers like this: