Connect with us

Hausa

Trump ya raba gari da jakadan Birtaniya

Published

on

Donald Trump

Hakkin mallakar hoto
Reuters

Image caption

Shugaba Trump ya ce Amurka ba ta kaunar jakadan, Sir Kim Darroch, kuma ba zai sake aiki da shi ba

—BBC Hausa

Shugaba Donald Trump ya caccaki gwamnatin Birtaniya da jakadanta a Amurka a matsayin martani na wasu bayanan sirri da jakadan ya yi a kan shugaban na Amurka wadanda aka yi satar fitar da su.

Kalaman batancin dai sun sa dangantakar da ke tsakanin gwamnatocin kasashen biyu ta dan yi tsami a ‘ayn kwanakin nan.

A wasu jerin sakonnin Tweeter da Trump din ya yi, ya ce daga yanzu ba zai kara wata mu’amulla da jakadan na Birtaniya ba, Sir Kim Darroch.

Shugaban ya bayyana hakan ne ‘yan sa’o’i bayan da Firaministar Birtaniyar Theresa May, ta yaba da jakadan, da cewa har yanzu tana da cikakken kwarin guiwa da yarda a kansa;

Jakadan na Birtaniya a Amurka ya caccaki gwamnatin Shugaba Trump inda ya bayyana ta da cewa, ta bankaura ce, mai rauni kuma wadda ba ta dace ba.

Hakkin mallakar hoto
PA Media

Image caption

A takardun sirrin, Sir Kim Darroch ya ce gwamnatin Trump ta bankaura ce kawai

A takardar diflomasiyya ta sirri wadda aka yi satar fitar da ita wadda Sir Kim Darroch, ya rubuta a ciki ya ce fadar gwamnatin Amurka, karkashin Trump ta sukurkuce tare da rarrabuwa.

Jakadan ya kuma bayyana gwamnatin ta Trump da cewa, ta bankaura ce, mai rauni kuma wadda ba ta dace ba.

Kan wadannan kalamai ne a yanzu shugaban na Amurka ya mayar da martani, tare da nuna rashin jin dadinsa ta Twitter, inda ya bayyana cewa yana fatan ganin an yi sauyi, a sama, wato dai sun raba gari da jakadan, yana neman da a janye shi daga Washington.

Ya ce shi bai ma san wannan jakada ba, kuma ko ma ya yake, ba a sonsa a Amurka, Ya kara da cewa a sakon nasa na Twitter, ”ba za mu sake yin wata harka da shi ba.”

Shugaban ya kuma ce, Theresa May ta yi shirme a shirin Birtaniya na ficewa daga kungiyar Tarayyar Turai, sai dai ya ce, babban abin jin dadin shi ne, nan ba da jimawa ba, Birtaniya za ta samu sabon Firaminista.

Tun da farko kafin martanin na Trump, Mrs May da kuma ma’aikatar harkokin wajen Birtaniyar sun bayyana kwarin guiwarsu a kan jakadan, amma kuma sun nesanta kansu daga ra’ayinsa.

Sir Kim dai ya yi zama na arziki da gwamnatin ta Trump, sannan kuma ya yi aiki tukuru na ganin cewa an samu nasarar ziyarar baya-bayan nan ta shugaban na Amurka a Birtaniya.

A wani sakon na Tweeter Mista Trump ya ce ya ji dadin wannan ziyara ainun, amma ya ce Sarauniya ce ta fi burge shi.

Facebook Comments
Advertisement
Click to comment

Leave a Reply

Your email address will not be published. Required fields are marked *

Hausa

Damisa ta kwanta baccin rana a kan gadon wani magidanci a Indiya

Published

on

A tiger lying on a bed in Assam state

Damisar ta hau kan gado ta kwanta a cikin wani gida dake jihar Assam

An gano wata macen damisa wacce ta tsere daga wani gandun namun daji a jihar Assam da ambaliyar ruwa ta daidaita a Indiya, kwance a kan gadon wasu mazauna jihar.

Ana tunanin ta gudo ne daga Gandun Namun Daji na Kaziranga inda dabbobi 92 suka mutu a ‘yan kwanakin nan saboda ambaliyar ruwa.

Jami’an wata kungiyar masu fafutukar kare hakkin namun dawa sun isa gidan kuma sun samar wa damisar hanyar fita zuwa daji.

A cewar Gidauniyar Namun Dawa ta Indiya WTI, an fara ganin damisar ne kusa da wani babban titi ranar Alhamis.

Gidauniyar ta ce babu mamaki, kaiwa da komawar da ake yi a kan titin ya matsa mata don haka ta nemi wannan gidan ta shiga, wanda kuma a kusa da babban titin yake.


Mai gidan ya tsere a lokacin da ya tsinkayi damisar

Rathin Barman wanda ya jagoranci cire damisar daga gidan ya ce ta shiga gidan ne da misalin karfe 7 da rabi sannan ta kwanta ta yi ta bacci gaba daya ranar.

“Ta yi matukar gajiya kuma ta samu bacci mai kyau,” a cewarsa.

Sai dai Migidan, Motilal, ya tattara kan iyalinsa kaf a lokacin da ya ga shigowar damisar.

“Abin sha’awa shi ne babu wanda ya matsa mata don ta samu hutawa sosai. Muna matukar girmama namun dawa a wannan yankin,” in ji Mista Barman.

“Molitilal ya ce zai adana zanin gadon da matashin kan da damisar ta hau ta kwanta.”

Jami’an WTI sun tsayar da motoci a kan babban titin tsawon awa guda sannan aka tayar da dabbar daga bacci. Ta tashi sannan ta bar gidan da misalin karfe biyar da rabi na yamma, ta tsallaka titin sannan ta bi hanyar dajin.

Mista Barman ya ce babau tabbacin cewa ta shiga dajin ko kuma da shiga wani wajen ne dake kusa da dajin.

Gandun Namun Daji na Kaziranga na ajiye Damisa 110 amma babu ko daya da ya mutu a ambaliyar ruwan.

Dabbobin da suka mutu a dandun sun hada da barewa 54 da dorinar ruwa 7 da aladen dawa 6 da giwa daya.

Ambaliyar ruwa ta daidaita jihohin gabashin kasar na Bihar da Assam, inda ta kashe sama da mutane 100 da raba miliyoyin mutane da muhallansu.

Lokacin ruwa, wanda ke farawa daga watan Yuni zuwa watan Satumba ya jefa Nepal da Bangladesh cikin rudani.

Facebook Comments
Continue Reading

Arewa

A hana Fulani tafiya da Shanu zuwa Kudu – Ganduje | BBC Hausa

Published

on

Fulani makiyaya a Najeriya

Hakkin mallakar hoto
Getty Images

Gwamnatin Kano ta kaddamar da wani kwamiti wanda zai fito da tsarin yadda za’a fara aiwatar da shirin samar da rugagen Fulani na zamani.

Gwamnan jihar Abdullahi Umar Ganduje ya shaidawa BBC cewa shirin samar da rugar a Kano ba iya Fulanin da ke jihar kawai ne za su amfana ba har da na sauran jahohin Najeriya.

Ya kuma ce shirin shi ne kawai da zai kawo karshen rikici tsakanin makiyaya da manoma.

Wannan na zuwa a yayin da ake ci gaba da musayar kalamai game da kiran Fulani su baro kudancin Najeriya da suke tafiya kiwo zuwa yankin arewaci.

Gwamna Ganduje ya ce dole a canza yadda ake gudanar da tsarin kiyo idan ana son magance matsalar rikicin makiyaya da manoma.

“Idan dai har ana son rigimar nan a daina ta dole a hana fulani tafiya da shanu daga arewa zuwa kudu,” in ji shi.

Ya kuma ce dole ya kasance a arewa an yi wuraren kiyo ga duk wanda zai yi kiyon shanu.

Hakkin mallakar hoto
Alamy

Gwamnan ya ce shirin ruga a Kano ya kunshi samar wa fulani hanyoyi na zamani ta hanyar ba ‘ya’yansu ilimi da asibiti da kuma banki na Islama da samar da kiyo na zamani da kuma yadda shanu za su samu abinci domin samar da wadataccen nono.

Gwamnatin Kano dai ta dage kan kaddamar da shirin duk da gwamnatin tarayya ta dakatar da kudirinta na samar da rugagen, saboda yadda kudirin ya janyo ce-ce-ku-ce.

Facebook Comments
Continue Reading

Hausa

AFCON: ‘Yan Algeria 5,000 sun daga wa Masar hankali

Published

on

Algerian fan shows the Egyptian flag during the semi-final match against Nigeria

Hakkin mallakar hoto
Getty Images

Image caption

Shin ‘yan Aljeriya da Masar sun warware rashin jituwar da ke tsakaninsu a fagen kwallon kafa?

—BBC Hausa

Labarin cewa mutum 5,000 ne suka tafi Masar daga Aljeriya don goyon bayan kungiyar kwallon kafar kasarsu a wasan da za ta yi ranar Juma’a ya daga hankalin hukumomin Masar din wata kila ma har da hana su barci.

Kasashen biyu manyan abokan adawar juna ne a tarihin kwallon kafa na duniya, kuma an sha samun tashin hankali a fafatawar da ake tsakanin kungiyoyin kasashen biyu a cikin filin wasa ko a wajensa.

Sai dai a wannan karon abubuwa sun sha bambam:

Na farko, tuni aka fitar da kungiyar kwallon kafa ta Masar a gasar cin kofin Afirkar da ake a kasar a zagaye na 16 bayan da Afirka Ta Kudu ta fitar da su a wani lamari da ya zo wa mutane da mamaki.

Fitar da su din ya zama silar kaucewa duk wani tashin hankali da aka yi tunanin zai iya faruwa tsakaninsu da makwabciyar tasu Aljeriya.

Iface-iface

Na biyu, kuma abu mafi ban mamaki: al’ummar kasar sun yi maraba da ‘yan Aljeriyan wadanda ake kira da Kuregun Hamada.

A yayin da Aljeriya ta yi nasara a kan Najeriya 2-1 a wasan kusa da karshe a ranar Litinin, an ga yadda ‘yan Masar da dama suka dinga murnar nasarar makwabciyarsu – kuma ga alama haka za su yi a ranar Juma’a ma a wasan da za ta buga da Senegal.

Hakkin mallakar hoto
Getty Images

Image caption

Tempers have flared up before, during and after past encounters between Egypt and Algeria

A takaice dai dukkan magoya bayan kasashen biyu Aljeriya da Masar sun hada kai wajen bujirewa hukumomin Masar a yayin wasan daf da na karshe inda suka dinga ihu tare da kiran sunan wani tsohon dan wasan Masar Mohamed Aboutrika, wanda yake neman mafaka a wata kasar bayan da ya soki mulkin soji karara.

Bayan da aka gama wasan, dan wasan gaba na Aljeriya Youcef Belaili ya ce “Godiya ga ‘yan Masar da suka goya mana baya, Allah ya ji kan shahidanmu.”

Ba wanda ya taba tunanin irin haka za ta faru. Ko da kuwa an sa batun yanayi da zamantakewa a nahiyar Afirka – inda Masar da Aljeriya ‘yan Afirka ta Arewa ne kuma Larabawa, ba kamar sauran kasashen nahiyar 52 ba.

Rigimar da ta wuce

A tarihi, akwai kyakkyawar alaka tsakanin kasashen biyu – Masar ta mara wa Aljeriya baya lokacin da take yakin neman ‘yancin kanta daga kasar Faransa a shekarun 1954 zuwa 1962.

Sai dai wasannin kwallon kafa kan kare da rikici tsakaninsu a lokuta da dama.

Mafi shahara daga ciki shi ne wanda ya faru a shekarar 1989 a wasan neman cancantar zuwa Kofin Duniya, wanda har ake masa lakabi da “Yakin Alkahira” (Battle of Cairo).

Nasarar da Masar da ta yi a wasan ya ba ta damar halartar gasar cin Kofin Duniya na shekarar 1990. Rikicin da ya biyo bayan wasan ya yi sanadiyar makantar da wani jami’in tawagar kwallon kafar Masar.

Hakkin mallakar hoto
Getty Images

Image caption

Tauraron dan wasan Aljeriya Belloumi (daga dama) ya fusaknaci shari’a ta tsawon lokaci kan “Yakin Alkahira”

Mahukuntan Masar sun zargi Lakhdar Ballouni saboda rikicin, inda aka dauki shekara 20 ana neman kama shi bisa umarnin kotu a kasar.

A shekarar 2009 ma kassashen sun gwabza da juna a wasan cancantar shiga Kofin Duniya. Bayan kowacce ta ci wasan gidanta da 2-0 sai aka ci gaba da buga wasan a birnin Khartoum na Sudan.

An buga wasan ne yayin da shugaban kasar Masar Hosni Mobarak ya yi barazanar tura sojoji domin tsaron lafiyar magoya bayan tawagar kasarsa.

An yi ta zanga-zanga a kasashen biyu, abin da ya kai ga lalata shagunan kasuwancin Masar a kasar Aljeriya.

Aljeriya ce ta lashe wasan da ci 1-0.

Watanni bayan haka, a shekarar 2010 an sallami ‘yan wasan Aljeriya uku daga wasan cin Kofin Afirka tsakanin kasashen.

Yayin magoya suka rika fadar maganganu kan Aboutrika a kafafen sada zumnta, ita kuwa hukumar kwallon kafar Afirka ta CAF tana bincike ne kan karawa tsakanin magoya bayan Aljeriya da Masar a wasan kusa da na karshe da Najeriya.

Hakkin mallakar hoto
Getty Images

Image caption

‘Yan Aljeriya sujn yi ta murna har a titun birnin Paris na Faransa

Mahukuntan Masar sun tsaurara tsaro yayin gudanar da gasar musamman kusa da filayen wasanni. Wani mai magana da yawun ma’aikatar cikin gida ya ce har yanzu ba a samu rahoton rikici ba.

Ya ce: “‘Yan Aljeriya sun yi murnar nasarar da suka samu tare da ‘yan kasar Masar ba tare da wani rikici ba.”

Wani hoto da wata jaridar Masar Al Ahram ta wallafa a shafinta na Intanet ya nuna wani dan Aljeriya da dan Masar suna murna tare da kuma nuna ‘yan uwantaka.

Wani dan Masar Mohammed Mosen ya ce: “Mun yi abota da su kuma mun koyi wakokinsu har ma muka rika rera shahararren takensu na ‘1, 2, 3 vive l’Algérie,’ kuma sun ji dadin yadda muka goyi bayansu.

Mun yi imamnin cewa sun cancanci mu goyi bayansu saboda su ne kan gaba zuwa yanzu a filin kwallo da kuma kokarinsu.”

Sai dai abu ne a boye ko wannan ‘yan uwantakar za ta dore har zuwa karshen wasan.

Facebook Comments
Continue Reading
Advertisement
Advertisement

Trending

%d bloggers like this: