[ad_1]
Sha uku cikin shugabannin kananan hukumomin jihar Benue 17 da aka zaba karkashin jam’iyyar APC sun tsallaka ya zuwa jam’iyar PDP.
Hakan na zuwa ne kwanaki uku bayan da gwamnan jihar Samuel Ortom ya shiga jam’iyar PDP.
Lokacin da yake sanarwar komawarsa jam’iyar PDP ranar Laraba a gidan gwamnatin jihar, Ortom ya ce dandazon magoya baya suna jiran su biyo shi sabuwar jam’iyar ta sa.
“Da nake magana daku yanzu 10 cikin yan majalisa 17 na jam’iyar APC suna son biyo ni sabuwar jam’iyar,”ya ce.
Jumullar shugabannin kananan hukumomi 13 da kuma kansiloli 276 ne suka halarci taron da ya gudana a sabon dakin taro na gidan gwamnatin jihar dake Makurdi.
A yanzu dai jam’iyar PDP ce babbar jam’iya a jihar inda take da sanatoci biyu, shugabannin kananan hukumomi 13 da kuma gwamnan jiha
[ad_2]
