Sergio Ramos, kyaftin din Real Madrid, ya zuwa yanzu ya buga wasa 40 a karawar hamayya da ake kira El-Clasico tsakanin Barcelona da Real Madrid.
Ramos ya yi karawa ta 40 a ranar Laraba a fafatawar da kungiyoyin biyu suka tashi 1-1 a Copa del Rey wasan zagayen farko na daf da karshe da suka yi a Camp Nou.
Kawo yanzu kyaftin din na Real Madrid ya haura Lionel Messi na Barcelona wanda ya yi wasa 30 a karawar ta El-Clasico.
‘Yan wasa uku ne kawo yanzu ke kan gaba wajen buga El-Clasico da yawa da suka hada da Paco Gento da SanchÃs daga Madrid da Xavi na Barcelona da kowanne ya yi fafatawa 42.
Ramos wanda ya buga El Clasico 40 ya ci kwallo hudu, inda biyu a Santiago Bernabeu da wasu biyun a Barcelona.
A ranar 27 ga watan Fabrairu ne Barcelona za ta ziyarci Santiago Bernabeu a wasa na biyu na daf da karshe a Copa Del Rey.
Barcelona ta lashe Copa del Rey 30, ita kuwa Real Madrid tana da shi 19.